သျှမ်းရိုးရာ သီတင်းကျွတ်ပွဲတော်ကို စက်တင်ဘာလ ၃၀ ရက်မှ အောက်တိုဘာလ ၁၂ ရက်နေ့အထိ ကျင်းပမည်ဖြစ် ကြောင်း မယ့်ဟောင့်ဆောင် အုပ်ချုပ်ရေးအာဏာပိုင်များကလည်း ထိုင်းရုပ်မြင်သံကြားမှ ကြေငြာ ခဲ့သည်။
“ပွဲတော်ကာလမှာ နှီးဘုရားကျောင်းဆောက်လှူကြမယ်။ သျှမ်းလို ချိန်တန်ပွတ် လို့ခေါ်တယ်။ ရာသီထွက်သီး နှံတွေ ချိတ်ဆွဲပြီးလှူတာလေ။ သျှမ်းရိုးရာယဉ်ကျေးမှု စားသောက်ဖွယ်ရာ၊ အ၀တ်အစားပြိုင်ပွဲ တွေပါစီစဉ်ထား တယ်။
သျှမ်းအလှမယ်လည်းရွေးမယ်။ အကတွေပြိုင်မယ်။ ၁၂ ရက်လုံးလုံးပေါ့။ ပွဲချိန်က ည ၇ နာရီကနေ သန်းခေါင်အထိ” မယ့်ဟောင့်ဆောင် သျှမ်းအမျိုးသားတစ်ဦးက သျှမ်းသံတော်ဆင့်သို့ပြော ပြ၏။
ပွဲအစီအစဉ်မှာ ၃၀/၀၉/၂၀၀၉ သီတင်းကျွတ်ပွဲတော်ဖွင့်ပွဲ ပဌာန်းရွတ်စတင်ခြင်း၊ ၂ /၁၀/၂၀၀၉ နှီးဘုရား ကျောင်းများ (ကထိန်လှည့်သကဲ့သို့) မြို့တွင်းလမ်းမ တလျှောက် လှည့်လည်ပြသခြင်း၊ ၄/၁၀/၂၀၀၉ သံဃာတော်များဆွမ်းခံကြွ တော်မူခြင်းနှင့် ၁၂၊၁၀၊၂၀၀၉ ပွဲတော်နောက်ဆုံးနေ့တွင် ဆီမီးတစ်ထောင်ထွန်း ညှိပူဇော်ပွဲနှင့် ပြိုင်ပွဲများ မှဆုရရှိသည့် ရပ်ကွက်၊ အသင်းအဖွဲ့များ ဆုပေးခြင်းစသည့် အဓိကအရေးကြီး အစီအစဉ်များအပြင် ညခင်းပိုင်းတွင်လည်း အိုးစည်ဗုံမောင်းတီးပြိုင်ပွဲ၊ အကပြိုင်ပွဲများရှိသည်ဟု သိရ၏။
တာဝတိံသာနတ်ပြည်မှ မယ်တော်နတ်သားအား မြတ်စွာဘုရားက တရားဟောကြားတော်မူပြီး သီတင်းကျွတ် အခါ လူ့ပြည်သို့ ကြွဆင်းတော်မူလာစဉ် လူသားများက မိမိတို့ခြံထွက်သီးနှံများဖြင့် ပူဇော်လှူဒါန်းသည့် အစဉ်အလာရှိခဲ့ သဖြင့် သျှမ်းများက ယခုတိုင် ၀ါကျွတ်ချိန် နှီးဘုရားကျောင်းပြုလုပ်လုပ်ကာ အလှူအဒါန်းပြုခဲ့ကြသည်။
(အသေးစိတ် ဆက်သွယ်မေးမြန်းလိုပါက - မယ့်ဟောင့်ဆောင် အုပ်ချုပ်ရေးဌာန ဖုန်းနံပါတ်- ၀၅၃ -၆၁၃ ၈၆၀ သို့ ဆက်သွယ်နိုင်ပါသည်)
0 comments:
Post a Comment