နအဖသည် ဥပဒေနှင့်အညီ တရားစွဲဆိုနိုင်သည့် အစိုးရမဟုတ်

ဆောင်းပါး (မဇ္ဈိမ)
မင်းလွင်ဦး
အင်္ဂလိပ်လက်အောက်သို့ ကိုလိုနီအဖြစ် မြန်မာနိုင်ငံ ကျရောက်စဉ် ဗြိတိသျှအစိုးရက လွတ်လပ်ရေးအတွက် ကြိုးပမ်းကြသည့် တော်လှန်ရေးသမားများနှင့် နိုင်ငံရေးသမားများ၏ လှုပ်ရှားမှုများကို ဟန့်တား၊ တားဆီးနိုင်ရန် ရည်ရွယ်၍ ၁၈၇၅ ခုနှစ်တွင် နိုင်ငံတော် အကာအကွယ်ပေးရေး ဥပဒေ State Protection Law အဖြစ် ပြဋ္ဌာန်းကျင့်သုံးခဲ့သည်။ ထိုဥပဒေကို ၁၉၇၅ ခုနှစ်တွင် နိုင်ငံတော်အား နှောင့်ယှက်ဖျက်ဆီးသူများ၏ ဘေးအန္တရာယ်မှ ကာကွယ်စောင့်ရှောက်ပေးသည့် ဥပဒေအဖြစ် ဖြည့်စွက်မွန်းမံ၍ ပြန်လည်ပြဋ္ဌာန်းခြင်း ဖြစ်သည်။

နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်သည့် ဥပဒေသည် မြန်မာ့ဆိုရှယ်လစ် လမ်းစဉ်ပါတီလက်ထက် ဆိုရှယ်လစ်စီးပွားရေးစနစ်ကို အကာအကွယ်ပေးရန်၊ ဦးနေဝင်း၏ မြန်မာ့နည်း မြန်မာ့ဟန်ဖြင့် ချီတက်နေသည့် ဆိုရှယ်လစ် လမ်းစဉ်ကို အကောင်အထည်ဖော်ရာတွင် ဟန့်တားနှောင့်ယှက်မည့် သူများအား အရေးယူနိုင်ရန် ရည်ရွယ်၍ ပြဋ္ဌာန်းခဲ့ခြင်း ဖြစ်သည်။

အဆိုပါ ဥပဒေဖြင့် နိုင်ငံသားတဦးတယောက်၏ မူလအခွင့်အရေးများကို တားမြစ်ကန့်သတ် အရေးယူမည်ဆိုပါက ၁၉၇၄ ခုနှစ် ဖွဲ့စည်းပုံ အခြေခံဥပဒေနှင့်အညီ ရွေးချယ်တင်မြှောက်ထားသည့် ကိုယ်စားလှယ်များဖြင့် ဖွဲ့စည်းထားသည့် ဝန်ကြီးအဖွဲ့နှင့် နိုင်ငံတော်ကောင်စီတို့၏ ခွင့်ပြုချက်ဖြင့် ကျင့်သုံးဆောင်ရွက်ရပြီး၊ အနီးကပ်ဆုံး ပြည်သူ့လွှတ်တော်သို့ တင်ပြ၍ အတည်ပြုချက် ရယူရသည်။ ထို့ကြောင့် နိုင်ငံသားတဦး၏ မူလ အခြေခံအခွင့်အရေးများကို ကန့်သတ်တားဆီးမိန့် ထုတ်ပြန်မည့်သူသည် အစိုးရအဖွဲ့ဖြစ်ရန် လိုသည်။ တနည်းအားဖြင့် ဖွဲ့စည်းပုံ အခြေခံပြဋ္ဌာန်းချက်များနှင့်အညီ ရွေးချယ်တင်မြှောက်ထားသည့် အစိုးရအဖွဲ့၏ အင်္ဂါရပ်နှင့် ညီညွတ်ရန် လိုသည်။ သို့မှသာ ၁၉၇၅ ခုနှစ် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေကို ကျင့်သုံးနိုင်မည် ဖြစ်သည်။

ဒေါ်အောင်ဆန်းစုကြည်အား နိုင်ငံတော်အား နှောင့်ယှက်ဖျက်ဆီးမည့်သူများ၏ ဘေးအန္တရာယ်မှ ကာကွယ်စောင့်ရှောက်သည့် သူများ၏ ဥပဒေပုဒ်မ ၁ဝ (ခ) ဖြင့် အရေးယူ၍ မူလအခွင့်အရေးများကို ကန့်သတ်တားဆီးခဲ့သည်။ ထို့နောက် ကန့်သတ်တားဆီးမိန့်များကို ဖောက်ဖျက်သည်ဟုဆိုကာ ပုဒ်မ ၂၂ ဖြင့် ဆက်လက်အရေးယူပြီး အမှုစစ်ဆေးသည်မှာ စီရင်ချက်နှင့် အမိန့်ချမှတ်မည့် အဆင့်သို့ပင် ရောက်ရှိနေပြီ ဖြစ်သည်။



အပြည့်အစုံသို့ ...
တရားလိုပြသက်သေ မြန်မာနိုင်ငံသတင်းတပ်ဖွဲ့မှ ဒုတိယတပ်ဖွဲ့မှူး ရဲမှူးကြီး ဝင်းနိုင်ထွန်း ကို စစ်ဆေးရာတွင် ရုံးရှေ့ရှိ ဒေါ်အောင်ဆန်းစုကြည်သည် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေအရ ကန့်သတ်မိန့်၊ တားဆီးမိန့်များနှင့် တားဆီးခံထားရသူဖြစ်ကြောင်း၊ ကန့်သတ်မိန့်ထဲတွင် ဖွဲ့စည်းပုံအခြေခံဥပဒေ၌ ပြဋ္ဌာန်းထားသော မူလအခွင့်အရေးများထဲက ပုဒ်မ ၁၄၈ (ဂ)၊ ၁၅၇၊ ၁၅၈၊ ၁၅၉ (က) (ခ) နှင့် ၁၆ဝ တို့တွင် ပါရှိသည့် မူလအခွင့်အရေးများကို ကန့်သတ်ထားခြင်းဖြစ်ကြောင်း၊ ယင်းသို့ ကန့်သတ်ထားသဖြင့် ဒေါ်အောင်ဆန်းစုကြည်သည် မည်သူတစုံတဦးကိုမျှ တွေ့ဆုံခြင်း၊ ဆက်သွယ်ခြင်း၊ လက်ခံစကားပြောဆိုခြင်း၊ ညအိပ်ညနေ တည်းခိုခွင့် ပြုလုပ်နိုင်သည့် အခွင့်အရေးများ မရှိကြောင်း၊ စသဖြင့် သီးသန့်ခုံရုံးရှေ့တွင် ထွက်ဆိုခဲ့သည်။

နအဖ အာဏာသိမ်းအစိုးရအနေဖြင့် ၁၉၇၄ ဖွဲ့စည်းပုံ အခြေခံဥပဒေပါ ပြဋ္ဌာန်းချက်များကို ကျင့်သုံးခွင့် ရှိ၊ မရှိကို ဥပဒေပြဋ္ဌာန်းချက်များနှင့်အညီ သုံးသပ်ရန် လိုအပ်လာပေသည်။

ဥပဒေအရ တည်ထောင်ထားသော အစိုးရကို ပြစ်မှုဆိုင်ရာ ဥပဒေတွင် The Government established by Law ဟု ဖော်ပြထားသည်။ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့၊ ယခု နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီကို ကုလသမဂ္ဂ အပါအဝင် ကမ္ဘာ့နိုင်ငံအသီးသီးမှ မြန်မာနိုင်ငံ၏ အစိုးရအဖြစ် အသိအမှတ်ပြုထားသော အစိုးရ ဖြစ်ပါသည်။ သို့သော် ယင်းသို့ အသိအမှတ်ပြုထားသည့်အတွက် ဥပဒေအရ တည်ထောင်ထားသော အစိုးရ (The Government established by Law) ဖြစ်မလာပါ။

အစိုးရဟူသည့် စကားရပ်နှင့်ပတ်သက်၍ ပြစ်မှုဆိုင်ရာဥပဒေ၊ အခန်း (၂) အရပ်ရပ်ဆိုင်ရာ ရှင်းလင်းချက်များ ပြစ်မှုဆိုင်ရာ ဥပဒေပုဒ်မ ၁၇ တွင် အစိုးရဆိုသည်မှာ ပြည်ထောင်စု မြန်မာနိုင်ငံ တဝှမ်းလုံးတွင် မည်သည့်အရပ်၌မဆို ဥပဒေအရ အုပ်ချုပ်မှုအာဏာ ရရှိသောသူတဦးကို ဖြစ်စေ၊ အများကို ဖြစ်စေဆိုလိုသည်ဟု ရှင်းလင်းဖော်ပြထားသည်ကို တွေ့ရမည် ဖြစ်သည်။

ဥပဒေပြဋ္ဌာန်းချက်များအရ နအဖ သည် ဥပဒေအရ တည်ထောင်ထားသည့် အစိုးရတရပ် မဟုတ်ကြောင်းကို အောက်ပါအချက်များအရ အထင်အရှား တွေ့ရှိရမည် ဖြစ်သည်။

၁၈-၉-၁၉၈၈ ရက်စွဲပါ ကြေညာချက်အမှတ် ၁/၈၈ တွင် နိုင်ငံတဝှမ်းလုံးတွင် အဖက်ဖက်မှ ယိုယွင်းနေသော အခြေအနေကို အချိန်မီ ထိန်းသိမ်းနိုင်ရန်အတွက် ပြည်သူပြည်သားအားလုံး အကျိုးငှာ တပ်မတော်သည် အောက်ပါ လက်ငင်းတာဝန်များကို ထမ်းဆောင်ရန် ယနေ့မှစ၍ နိုင်ငံတော် အာဏာအရပ်ရပ်ကို လုံးဝ တာဝန်ယူလိုက်သည်။ ထိုနေ့မှာပင် နိုင်ငံတော် အာဏာပိုင်အဖွဲ့အစည်းများကို ဖျက်သိမ်းကြောင်းနှင့် ဒုတိယ ဝန်ကြီးများကို တာဝန်မှ ရပ်စဲကြောင်း ၂/၈၈ ဖြင့် ကြေညာခဲ့သည်။

၂ဝ-၉-၁၉၈၈ ရက်စွဲပါ ကြေညာချက်အမှတ် ၄/၈၈ တွင် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့မှ တာဝန်ပေးချက်အရ အောက်ပါ ပုဂ္ဂိုလ်များ ပါဝင်သော အုပ်ချုပ်ရေးအစိုးရအဖွဲ့ကို ယနေ့မှ စတင်၍ ဖွဲ့စည်းလိုက်သည်ဟု ကြေညာခဲ့သည်။ ထို့ကြောင့် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့၊ ယခု နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၏ အုပ်ချုပ်ရေးအစိုးရအဖွဲ့ကို ကြေညာချက်များဖြင့် ဖွဲ့စည်းဆောင်ရွက်ခဲ့ခြင်း ဖြစ်ကြောင်းနှင့် ဥပဒေအရ ဖွဲ့စည်းတည်ထောင်ထားသည့် အစိုးရမဟုတ်ကြောင်း ထင်ရှားစွာ တွေ့ရှိနိုင်ပါသည်။

ထို့အပြင် -

(က) ၄၅ နှစ်မြောက် တော်လှန်ရေးနေ့ဖြစ်သော ၂၇-၃-၁၉၉ဝ ရက်နေ့ စစ်ရေးပြအခမ်းအနားတွင် ကာကွယ်ရေး ဦးစီးချုပ် ဗိုလ်ချုပ်မှူးကြီးစောမောင်၏ မိန့်ခွန်းတွင် ယနေ့ အစိုးရသည် ရွေးချယ်တင်မြှောက်ခံရသည့် အစိုးရမဟုတ်၊ တပ်မတော်အစိုးရ၊ ဘာသာပြန်ဆိုချက်တွင် We are not elected government. We are a military government ဟု တွေ့ရပါသည်။

(ခ) ၂ဝဝ၅ ခုနှစ် မတ်လ ၁၅ ရက်နေ့ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၏ သတင်းထုတ်ပြန်ရေး ကော်မတီက သတင်းစာရှင်းလင်းပွဲ၊ စာမျက်နှာ ၂ တွင် တိုင်းပြည်၏ လိုအပ်ချက်အရ ၁၉၈၈ ခုနှစ်တွင် တပ်မတော်အစိုးရက နိုင်ငံတော်တာဝန်ယူခဲ့ရသည်ဟု သက်ဆိုင်ရာ တာဝန်ရှိသူက ပြောကြားသွားသည်ကိုလည်း တွေ့ရပါသည်။

အထက်ဖော်ပြပါ အချက်များအရ နအဖသည် ၁၉၇၄ ဖွဲ့စည်းပုံ အခြေခံဥပဒေပါ နိုင်ငံသားများ၏ မူလအခွင့်အရေးကို ကန့်သတ်တားမြစ်နိုင်သည့် အခွင့်အာဏာမရှိဘဲ ဒေါ်အောင်ဆန်းစုကြည်အပေါ် ကန့်သတ်တားမြစ်ခဲ့ခြင်းသည် ဥပဒေနှင့် ညီညွတ်ခြင်း မရှိသည်ကို အထင်အရှား တွေ့ရှိရသည်။

ဒေါ်အောင်ဆန်းစုကြည်အား တားဆီးမိန့်ထုတ်သည့် အထဲတွင်ပါသည့် အချက်များမှာ သံရုံးများ၊ နိုင်ငံရေးပါတီများ၊ နိုင်ငံရေးပါတီများနှင့် ဆက်နွယ်သူများနှင့် မဆက်သွယ်ရန်၊ နေအိမ်မှအပ ပြင်ပသို့ ထွက်ခွင့် လုံးဝမပြုရန်၊ အခြားသို့ စာဖြင့်၊ စကားပြောကြေးနန်းဖြင့် ဆက်သွယ်ခြင်း မပြုရန်ဟုသာ ပါရှိသည်။ သို့သော် တရားလိုပြသက်သေ မြန်မာနိုင်ငံ သတင်းတပ်ဖွဲ့မှ ဒုတိယတပ်ဖွဲ့မှူး ရဲမှူးကြီး ဝင်းနိုင်ထွန်းက တရားရုံးတွင် ၁၉၇၄ ဖွဲ့စည်းပုံ အခြေခံဥပဒေပါ မူလအခွင့်အရေးများကို ကန့်သတ်ထားခြင်းသည် တရားဝင် ဆက်လက် အတည်ဖြစ်လျက် ရှိသကဲ့သို့ တရားရုံးက ဒေါ်အောင်ဆန်းစုကြည်အား အပြစ်ပေးနိုင်ရန် တမင်ရည်ရွယ်၍ ထွက်ဆိုခဲ့ခြင်းဖြစ်ကြောင်း သိသာထင်ရှားသည်။

၁၉၇၄ ဖွဲ့စည်းပုံ အခြေခံဥပဒေပါ နိုင်ငံသားများ၏ မူလ အခြေခံအခွင့်အရေးများကို ကန့်သတ်မည်ဆိုလျှင် ဥပဒေနှင့်အညီ ရွေးချယ်တင်မြှောက်ထားသည့် အစိုးရ ဖြစ်ရပါမည်။ နအဖသည် ဥပဒေနှင့်အညီ ပြည်သူက ရွေးချယ်တင်မြှောက်ထားသည့် အစိုးရမဟုတ် ထို့ကြောင့် ယခုအမှုကို မစွဲဆိုနိုင်၊ ဥပဒေနှင့်အညီ စွဲဆိုခြင်း မရှိသည့် အမှုကို လက်ခံစစ်ဆေးနေခြင်းသည် မူလကပင် မှားယွင်းနေသည့်အတွက် စွဲဆိုထားသည့် အမှုကို တရားလိုဘက်မှ ရုပ်သိမ်းရန်သာဖြစ်ကြောင်း သုံးသပ်တင်ပြလိုက်ရပေသည်။

Read More...

Summary only...

မြန်မာနိုင်ငံသား ၃၄ ဦးကို ထိုင်း လဝက က ဖမ်းဆီး

ကိုဝိုင်း
ဗုဒ္ဓဟူးနေ့၊ ဇွန်လ 03 2009 (မဇ္ဈိမ)
ချင်းမိုင် (မဇ္ဈိမ)။ ။ ထိုင်းနိုင်ငံတောင်ပိုင်း ရနောင်းမြို့ရှိ နေအိမ်တအိမ်တွင် ထိုင်းလူဝင်မှု ကြီးကြပ်ရေး ရဲများက စီးနင်းရှာဖွေရာ တရားမဝင် မြန်မာနိုင်ငံသား ၃၄ ဦးနှင့်အတူ ထိုင်းနိုင်ငံသား ၂ ဦးတို့ကို ပြီးခဲ့သည့်လ ၃၀ ရက်နေ့တွင် ဖမ်းဆီးမိခဲ့သည်။ ထိုင်းတောင်ပိုင်းဒေသများတွင် အလုပ်ရှာဖွေမည့် တရားမဝင် ဝင်ရောက်လာသူများကို ခေတ္တထားရှိသည်ဟု သတင်းရထားသဖြင့် ရနောင်း လူဝင်မှုကြီးကြပ်ရေး အရာရှိ နာချာထာခရစ် ပင်ပက် Nachathakrit Pinpak ဦးဆောင်သည့် အဖွဲ့နှင့်အတူ လက်နက်ကိုင် စစ်သားများသည် ယင်းနေ့ နံနက် ၄ နာရီ အချိန်၌ ဘန်ရင်းရွာရှိ ခွန်ဆက် အဒူဒီချကူး၏ နေအိမ်သို့ ဝင်ရောက်ရှာဖွေခဲ့ရာမှ ဖမ်းဆီးမိခြင်း ဖြစ်သည်။ အိမ်ဝန်းအတွင်း၌ ရပ်ထားသော အမိုးပွင့်တရပ်ကား နှစ်စီးပေါ်မှ မြန်မာနိုင်ငံသား ၃၄ ဦးကို ဖမ်းမိခြင်းဖြစ်ပြီး၊ ၎င်းတို့နှင့်အတူ အခငွေယူ၍ ထိုင်းနိုင်ငံအတွင်းသို့ ခိုးဝင်ခွင့်ပြုခဲ့သည့် ထိုင်းရဲအချို့၏ အမည်များ ပါရှိသည့် မှတ်တမ်းများပါ သိမ်းဆည်းရမိကြောင်း Phuket Gazette နေ့စဉ်သတင်း အင်တာနက်စာမျက်နှာတွင် ဖော်ပြထားသည်။ ထိုင်းနိုင်ငံ သား မစ္စတာခွန်ဆက်နှင့်အတူ ၉ မမ သေနတ်အတိုတလက်နှင့် ၎င်းကျည်ဆံ ၄၈ တောင့်လည်း ဖမ်းမိခဲ့သည်ဟု ဆိုသည်။

အပြည့်အစုံသို့ ...

မစ္စတာခွန်ဆက်နှင့် ဇနီး ဝိလိုင်လက်တို့က ယင်းမြန်မာနိုင်ငံသားများကို ထိုင်းနိုင်ငံအတွင်းသို့ တရားမဝင် ဝင်ရောက်ရာတွင် အကူအညီပေးခဲ့ကြောင်း ဖြောင့်ချက်ပေးခဲ့ပြီး ဖန်ငနှင့် ဖူးခက်မြို့များဘက်သို့ ပို့ဆောင်ရန် ပြင်ဆင်နေချိန်၌ ဖမ်းမိခြင်းဖြစ်ကြောင်း ရဲတာဝန်ရှိသူများက ပြောဆိုထားကြောင်း ပါရှိသည်။

ဖမ်းမိသည့် မြန်မာနိုင်ငံသားများကိုမူ ရနောင်း လူဝင်မှုကြီးကြပ်ရေးဌာနသို့ ခေါ်ဆောင်သွားပြီး စစ်ဆေးအရေးယူကာ မြန်မာနိုင်ငံသို့ ပြန်ပို့မည်ဖြစ်သော်လည်း ထိုင်းနိုင်ငံသားများနှင့် ပတ်သက်၍ မည်သို့ အရေးယူမည်ကို မသိရသေးပေ။

မြန်မာနိုင်ငံသားများ အပါအဝင် ထိုင်းနိုင်ငံအတွင်း တရားမဝင် ဝင်ရောက်သူများကို သယ်ယူပို့ဆောင်ပေးရာတွင် ထိုင်းရဲများ မပါဝင်ပါက မဖြစ်နိုင်ကြောင်း ရနောင်းအခြေစိုက် အလုပ်သမားအရေးနှင့် ကျန်းမာရေးကိစ္စများ ဆောင်ရွက်နေသည့် World Vision အဖွဲ့တွင် အမည်မဖော်လိုသည့် တာဝန်ရှိသူတဦးက မဇ္ဈိမကို ပြောသည်။

“ပွဲစားတွေကိုယ်တိုင်က ရဲနဲ့ ချိတ်ထားပြီးသား။ လူရှာတာတို့ လူစုတာတို့က သာမန်ဗမာပွဲစားတွေက လုပ်မယ်။ သယ်ယူပို့ဆောင်မယ်ဆိုရင် ထိုင်းလူမျိုးတွေရဲ့ တာဝန်။ လမ်းခရီး အခြေအနေကျတော့ ရဲတွေပဲ စီစဉ်ကြတာ။ အဆင့်ဆင့် တာဝန်ယူမယ်။ ဥပမာ မွန်ပြည်နယ်ကနေ ထားဝယ်အထိ တာဝန်ယူတဲ့လူ၊ ထားဝယ်ကနေ ကော့သောင်း တာဝန်ယူတဲ့လူ။ ကော့သောင်းကနေ ရနောင်းမြို့ထဲကို လှေနဲ့ဝင်ဖို့အတွက် တာဝန်ယူတဲ့လူ။ ရနောင်းမြို့ထဲမှာ ယာယီလက်ခံပေးတဲ့လူ။ ရနောင်းကနေ သယ်ယူပို့ဆောင်ပေးတာက တယောက်။ သူတို့က အဲဒီလို အဖွဲ့လိုက် အလုပ်လုပ်တာပေါ့နော်” ဟု သူက ပြောသည်။

၁ဝ နှစ်ကျော် လှုပ်ရှားခဲ့ပြီးဖြစ်သော မစ္စတာခွန်ဆက်၏ လူမှောင်ခို အုပ်စုသည် ထိုင်းနိုင်ငံအတွင်း လူခိုးသွင်းနေသည့် အုပ်စု ၁၅ ခုအနက် ၁၂ ခုမြောက် အကြီးဆုံးဖြစ်ပြီး တလလျှင် လူ ၅ဝဝ ခန့် ခိုးသွင်းပြီး ထိုင်းတောင်ပိုင်းဒေသများသို့ ပို့ဆောင်နေကြောင်း သတင်းစာက ဆိုထားသည်။

ယခင်နှစ် ဧပြီလကလည်း ရနောင်းမြို့မှ ဖူးခက်သို့ အအေးခန်းကားဖြင့် ခိုးသယ်သွားသည့် မြန်မာနိုင်ငံသား ၅၄ ဦး အသက်ရှုကျပ် သေဆုံးခဲ့မှု ဖြစ်ပွားခဲ့သည်။

ထိုင်းနိုင်ငံ၌ လာအို၊ မြန်မာ၊ ကမ္ဘောဒီးယား နိုင်ငံသားများ လာရောက်အလုပ်လုပ်လျက်ရှိပြီး မြန်မာနိုင်ငံမှ အလုပ်လာလုပ်နေသူ ၂ သန်းခန့်ရှိသည်ဟု အစိုးရမဟုတ်သည့် လူမှုရေးအဖွဲ့များက ခန့်မှန်းကြသည်။ အများစုမှာ အလုပ်လုပ်ခွင့် မှတ်ပုံတင်ထားခြင်း မရှိကြပေ။

ထိုင်းအလုပ်သမားဝန်ကြီး ဖိုင်းထွန်း ကယောက်ထောင်း Paitoon Kaewthong ကမူ ထိုင်းနိုင်ငံအတွင်း၌ အလုပ်လုပ်ရန် မှတ်ပုံတင်ထားသည့် နိုင်ငံခြားသား အလုပ်သမား ၄-၅ သိန်းခန့် ရှိပြီဖြစ်သော်လည်း မှတ်ပုံမတင်ဘဲ အလုပ်လုပ်နေသူ ၄ သိန်း ခန့်ရှိကြောင်း ယမန်နေ့ သတင်းစာရှင်းပွဲ၌ ပြောသည်။

မှတ်ပုံမတင်ရသေးသော နိုင်ငံခြားသား အလုပ်သမားများအနေဖြင့် မှတ်ပုံတင်ကြရန်နှင့် ယင်းမှတ်ပုံတင် သက်တမ်းကာလသည် လာမည့်နှစ် ဖေဖော်ဝါရီလ ၂၈ ရက်နေ့အထိသာ ဖြစ်ကြောင်း ပြောသည်။

သို့သော် မှတ်ပုံတင်ရမည့် ရက်နှင့် အစီအစဉ်ကို အစိုးရဝန်ကြီးများအဆင့် အစည်းအဝေးမှ အတည်ပြုပြီးပါက အလုပ်သမား ဝန်ကြီးဌာနက ကြေညာမည်ဖြစ်ကြောင်း ထိုင်းသတင်းအေဂျင်စီ၌ ယနေ့ဖော်ပြထားသည်။

Read More...

Summary only...

ဦးခွန်ထွန်းဦးနဲ့နိုင်ငံရေးအကျဉ်းသားများလွတ်မြောက်ဖို့ တောင်းဆိုဆန္ဒပြကြ

လစဉ်လတိုင်း ၉ ရက်နေ့ရောက်ပြီဆိုရင် ကျွှန်တော်တို့ရဲ့ သျှမ်းတိုင်းရင်းသားးခေါင်းဆောင် ဦးခွန်ထွန်းဦးအပါအ၀င် နိုင်ငံရေးအကျဉ်းသားတွေလွတ်မြောက်ဖို့အတွက် တောင်းဆိုဆန္ဒပြခဲ့ပါတယ်။ စစ်မှန်သောဒီမိုကရေစီရရှိဖို့အတွက် ကြိုးပမ်းပေးနေတဲ့ခေါင်းဆောင်ကြီးတွေကိုဖမ်းဆီးထားလို့ အမြန်ဆုံးပြန်လွတ်ပေးရေးအတွက် ဂျပန်နိုင်ငံရှိကမ္ဘာ့ကုလသမ္မကရုံးရှေ့မှာ ညနေ၃နာရီမှ ၄ နာရီအထိ စုရုံးတောင်းဆိုဆန္ဒပြခဲ့ကြပါတယ်။ နိုင်ငံရေး ရဲဘော်အပေါင်း အယောက် ၅၀ ကျော်တတ် ရောက်ခဲ့ကြပါတယ်။

”မှတ်တမ်းဓာတ်ပုံများ“



Rest of your post

Read More...

Summary only...

မူဆယ်-မန္တလေး ကားလိုင်းများ မပြေးဆွဲရ

မျိုးကြီး
ဧပြီလ 06 2009 ရွှေလီ (မဇ္ဈိမ)။ ။ ရှမ်းပြည် (မြောက်ပိုင်း) မူဆယ်နှင့် မန္တလေး ပြေးဆွဲနေသည့် ခရီးသည်တင် မော်တော်ယာဉ် လိုင်းများကို အာဏာပိုင်များက ယခုလ ၄ ရက်နေ့မှ စတင်ကာ တလတိတိ ပြေးဆွဲခွင့် ပိတ်လိုက်သည်။ ခရီးသည်တင် မှန်လုံအမြန် Express အမျိုးအစား ကားလိုင်းများထဲမှ အာဏာပိုင်များ ပိုင်ဆိုင်သည့် နှစ်လိုင်းမှအပ ကျန်ကားလိုင်း အားလုံး အပိတ်ခံရခြင်း ဖြစ်သည်။ ''ဒီလ ၄ ရက်နေ့က လိုင်းဆွဲတာတွေ ရပ်လိုက်ပြီ။ တန်ခူးလ နောက်ပိုင်းမှပဲ ပြန်ဆွဲဖြစ်မယ်။ လောလောဆယ် စိတ်ကြိုက်နဲ့ မိုးကောင်းကင်လိုင်းတွေပဲ ဆွဲနေတာပေါ့'' ဟု ရွှေလီဦးကားလိုင်းမှ တာဝန်ရှိသူက မဇ္ဈိမကို ပြောသည်။ ပြေးဆွဲခွင့် ဆက်ရသည့် စိတ်ကြိုက်လိုင်းမှာ အရှေ့မြောက်ပိုင်းတိုင်း စစ်ဌာနချုပ် ရမခ - တိုင်းမှူး အောင်သန်းထွဋ်၏ ညီဖြစ်သူက ပိုင်ဆိုင်ပြီး၊ မိုးကောင်းကင်မှာမူ ဒေသအာဏာပိုင်များ ပူးတွဲဖွင့်လှစ်ထားသည့် ကားလိုင်း ဖြစ်သည်။
မူဆယ်တွင် မိုးကောင်းကင်၊ ရွှေလီဦး၊ ရတနာစိုး၊ ချမ်းသာအောင်၊ စိတ်ကြိုက်၊ ရွှေမန်းမေ၊ တောင်ပြာတန်း စသည့် မှန်လုံ အမြန်ကားလိုင်းများ ရှိသည်။ မည်သို့ကြောင့် ရပ်နားခိုင်းရသည်ကို ရွှေလီဦးလိုင်းက ''သင်္ကြန်ရက်က နီးလာတာကြောင့်၊ အဲဒါကြောင့်ပါ။ ကျနော်တို့ကလည်း ဒီကြားထဲ ပြဿနာ မတက်ချင်တာကြောင့် ရပ်နားလိုက်ရတာပါ'' ဟု ဆိုသည်။ ကားလိုင်းတလိုင်းမှ တာဝန်ရှိသူတဦးကလည်း ''တလ ပိတ်တယ်ဆိုတော့ နစ်နာတာပေါ့ဗျာ။ နိုင်ငံတော်ကိုလည်း အသနားခံစာ တင်ထားတယ်။ ကယ်ရီတင်တဲ့ ကိစ္စတွေပေါ့နော်။ ရွှေလီဦးကတော့ ပါစင်ဂျာ (ခရီးသည်) သက်သက်ပဲ ဆွဲတယ်။ တရက်ကို ကား ၃ စီး ထွက်တယ်။ အဲဒါတွေ မကျေနပ်တာ ပါမယ်ထင်တယ်'' ဟု ပြောသည်။ ပြေးဆွဲခွင့် ပြန်ရရန် ကြိုးစားလျက် ရှိသဖြင့် အသေးစိတ် မပြောပြလိုကြောင်း သူက ဆိုသည်။ မြန်မာ့ရိုးရာ သင်္ကြန်ပွဲတော်ရက် နီးကပ်လာချိန်တွင် ယာဉ်လိုင်းများ ရုတ်တရက် ပိတ်ချလိုက်သဖြင့် မြန်မာနိုင်ငံ ဒေသအနှံ့အပြားမှ တရုတ်နိုင်ငံ နယ်စပ်ဒေသများသို့ သွားရောက် အလုပ်လုပ်နေသော မြန်မာလုပ်သားများ၏ အားလပ်ရက် အိမ်ပြန်ခရီးမှာ အခက်အခဲရှိကြောင်း အလုပ်သမား ကိုဆန်းက ပြောသည်။ သူက ''လွန်ခဲ့တဲ့ နှစ်ရက်က မူဆယ်မှာ သူငယ်ချင်းကို လိုက်ပို့တော့ မန္တလေးမှန်လုံကား လက်မှတ် လုံးဝ ဝယ်လို့ မရဘူး။ အကုန်လုံး လူတွေ ပြည့်နေတယ်။ ဘယ်လိုဖြစ်လဲ မသိဘူး။ ခရီးသည်ပစ္စည်းတွေလည်း အကုန်လုံး စုပုံခိုင်းထားတယ်။ တခြား Van တို့၊ Hi-Ace တို့နဲ့ လိုက်ရတယ်'' ဟု ပြောသည်။ ထို့အပြင် ယခု ရက်ပိုင်းအတွင်း မူဆယ်-မန္တလေး ပြေးဆွဲနေသည့် အခြားယာဉ်ငယ်များကို အာဏာပိုင်များက အစစ်အဆေးများ ပြုလုပ်နေကြောင်း သိရသည်။ ယမန်နေ့ကလည်း မူဆယ် (၁ဝ၅) မိုင် ကုန်သွယ်ရေးဇုန်အလွန် နမ့်အွန်ရွာတွင် Van TownAce Sunny အမျိုးအစား ခရီးသည်တင်ကား ၁၁ စီးကို ရှာဖွေဖမ်းဆီးမှုများ လုပ်ခဲ့ကြောင်း မူဆယ် ကုန်သည်ကြီးတဦးက ပြောသည်။ ''ဒီက တင်သွားတဲ့ ပန်းသီးတို့၊ မုန့်ဖာတို့ အဲဒါတွေကို ဖမ်းတာပေါ့။ ကားအားလုံး ၁၁ စီး အဖမ်းခံရတယ်။ မူဆယ်က ကာစတန် (အကောက်ခွန်) မှူး ဦးဝင်းမြင့်တို့အဖွဲ့ သွားဖမ်းတာ'' ဟု သူက ပြောသည်။

Read More...

Summary only...

ကေအိုင်အေ ဒုစစ်ဦးစီးချုပ် ကွယ်လွန်

ဆလိုင်းပီပီ
ဧပြီလ 06 2009
နယူးဒေလီ (မဇ္ဈိမ) ။ ။ ကချင် လွတ်မြောက်ရေး အဖွဲ့၏ ဒုစစ်ဦးစီးချုပ် ဗိုလ်မှူးချုပ် ဖုန်ကန်ဇော်နန်သည် အသက် ၆၂ နှစ်အရွယ်တွင် တရုတ်-မြန်မာနယ်စပ်၌ ကင်ဆာရောဂါဖြင့် ယနေ့ ကွယ်လွန်သွားသည်။ စစ်အစိုးရနှင့် အပစ်ရပ် သဘောတူထားသည့် ကချင် လွတ်မြောက်ရေးအဖွဲ့ (KIO) ၏ လက်နက်ကိုင် တပ်မတော် KIA အရာရှိတဦးက အမည်မဖော်ဘဲ ပြောကြားရာတွင် ဗိုလ်မှူးချုပ် ဖုန်ကန်ဇော်နန်သည် ကချင်ပြည်နယ် လိုင်ဇာမြို့ရှိ KIA စစ်ဆေးရုံ၌ ယနေ့ နံနက် ၁ဝ နာရီ ၁ဝ မိနစ်အချိန်တွင် ကွယ်လွန်သွားသည်ဟု ပြောဆိုခြင်း ဖြစ်သည်။“သူ ကင်ဆာရောဂါနဲ့ ဒီနေ့ မနက်ပဲ ကွယ်လွန်သွားတာပါ။ ဒါပေမဲ့ ဘာကင်ဆာရောဂါနဲ့ ဆုံးတယ်ဆိုတဲ့ အသေးစိတ်တွေတော့ မသိပါဘူး” ဟု သူက မဇ္ဈိမကို ပြောသည်။သေဆုံးမှုကြောင့် အဖွဲ့အစည်းကို မည်သို့ထိခိုက်မှု ရှိနိုင်ပါသလဲဆိုသည်ကို မေးမြန်းရာ သူက “အခုအချိန်က ပြောဖို့ သိပ်စောပါသေးတယ်။ ကျနော်တို့ အစည်းအဝေး ထိုင်ရပါအုံးမယ်” ဟုသာ ဖြေကြားသွားသည်။ ဗိုလ်မှူးချုပ် ဇော်နန်သည် KIA ဒုဦးစီးချုပ်ရာထူးသို့ တိုးမြှင့်ခန့်အပ်ခြင်း မခံရမီ တပ်မဟာ ၄ တွင် တပ်မှူးအဖြစ် တာဝန်ယူခဲ့သည်ဟု KIA အရာရှိ၏ အပြောအရ သိရသည်။ ဤအတောအတွင်း တရုတ်-မြန်မာ နယ်စပ်အခြေစိုက် မြန်မာ့စစ်ရေးအကဲခတ် ဦးအောင်ကျော်ဇောက မဇ္ဈိမကို ပြောကြားရာတွင် ဗိုလ်ချုပ်ဇော်နန်သည် အမျိုးသားရေးတွင် အလယ်အလတ် အမြင်ရှိသူဟု သိရှိနားလည်ထားကြပြီး၊ ပြည်သူ့ဆက်ဆံရေး လုပ်ငန်းတွင် ကျွမ်းကျင်မှု ရှိသူဟု ဆိုသည်။ “သူက သူ့ရဲဘော်တွေနဲ့ ကြီးကြီးငယ်ငယ် တရင်းတနှီးနေတာ။ တခြားလူတွေနဲ့ မတူဘူး။ ပျော့ပျော့ပျောင်းပျောင်း ရှိတယ်” ဟု ဦးအောင်ကျော်ဇော်က ပြောသည်။ “ဒါ KIA နဲ့ KIO အတွက် အလွန်ကြီးမားတဲ့ ဆုံးရှုံးမှုပဲလို့ ကျနော် ထင်ပါတယ်” ဟု သူက ဆက်ပြောသည်။ KIA ကို ကချင်ပြည်နယ် လွတ်လပ်ရေးအတွက် ၁၉၆၁ ခုနှစ် ဖေဖော်ဝါရီလတွင် စတင် ဖွဲ့စည်း ထူထောင်ခဲ့သည်။ KIO နှင့် ယင်း၏ လက်နက်ကိုင် တပ်မတော် KIA သည် စစ်အစိုးရနှင့် အပစ်ရပ် သဘောတူညီချက်ကို ၁၉၉၄ ခုနှစ် ဖေဖော်ဝါရီလတွင် ရရှိခဲ့သည်။ KIO မှ စေလွှတ်သော ကိုယ်စားလှယ်များသည် ပြီးခဲ့သည့်နှစ်က အတည်ပြုခဲ့သော ဖွဲ့စည်းပုံ အခြေခံဥပဒေကို မူကြမ်း ရေးဆွဲခဲ့သည့် ၁၅ နှစ်ကြာ ပြုလုပ်ခဲ့သော အမျိုးသားညီလာခံသို့ တက်ရောက်ခဲ့သည်။ ဤအတောအတွင်း KIO ဒုဥက္ကဋ္ဌ ဒေါက်တာတူးဂျာက KIO ၏ အချို့သော အရပ်ဘက် ခေါင်းဆောင်များသည် သီးခြား နိုင်ငံရေးပါတီတရပ်ကို ဖွဲ့စည်း၍ ၂ဝ၁ဝ ခုနှစ်တွင် စစ်အစိုးရက ကျင်းပရန် စီစဉ်ထားသည့် ရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်နေသည်ဟု ပြောကြားခဲ့သည်။ ဗိုလ်မှူးချုပ် ဖုန်ကန်ဇော်နန်၏ ရုပ်ကလာပ်ကို ယခုလ ၈ ရက်နေ့တွင် စစ်ရေးအခမ်းအနားဖြင့် လိုင်ဇာ၌ သဂြုင်္ိဟ်မည် ဖြစ်သည်။

Read More...

Summary only...