ထောင်ဒဏ် နှစ် ၂၀ တန်စာတမ်း

(သျှမ်းသံတော်ဆင့်)
သျှမ်းတိုင်းရင်းသားများ ဒီမိုကရေစီအဖွဲ့ချုပ် အထွေထွေအတွင်းရေးမှုး စိုင်းညွန့်လွင် အဖမ်းမခံရမီ တာဝန်ယူကူညီရိုက်နှိက်ပေးသော စာမျက်နှာ ၈ မျက်နှာရှိ UNA စည်းလုံးညီညွတ်သော တိုင်းရင်းသားမဟာမိတ်အဖွဲ့မှ ရေးဆွဲခဲ့သော အနာဂတ်ပြည်ထောင်စု နိုင်ငံဖွဲ့စည်းပုံ စာတမ်း ဂျွန်လ ၁၁ ရက်နေ့က ပြန်လည်တွေ့ရှိကြောင်း ရန်ကုန်မှ လာသော သတင်းများက ဆိုပါသည်။
UNA အစည်းအဝေးတရပ်မှ ရေးဆွဲခဲ့သော အဆိုပါ အနာဂတ်ပြည်ထောင်စု နိုင်ငံဖွဲ့စည်းပုံစာတမ်းကို SLND အထွေထွေအတွင်းရေးမှုး တာဝန်ယူစာရိုက်ပေးပြီး (၂၀၀၅ ဖေဖော်ဝါရီလ ၈-၉ ရက် ဦးခွန်ထွန်းအပါအ၀င် သျှမ်းတိုင်းရင်းသားခေါင်းဆောင် ၃၀ နီးပါး အဖမ်းမခံရမီ ၂ ရက်အလို) UNA အဖွဲ့ဝင် ပုဂွိုလ်တယောက်အား စာတမ်းမိတ္တူထုတ်ပေးလိုက်သည်။ နောက်တနေ့တွင် စိုင်းညွန့်လွင်တို့အား ဖမ်းဆီးစဉ် ကွန်ဗြူတာပါ အသိမ်းခံလိုက်ရပြီး ဤစာတမ်းအတွက် ထောင်ဒဏ် အနှစ် ၂၀ အပါအ၀င် အခြားစွဲချက်များစွာ ဖြင့် စုစုပေါင်း (အင်းစိန်ထောင် တွင်းတရားရုံး၌) ထောင်ဒဏ် ၈၅ နှစ်ချမှတ်၏။ ပြီးနောက် စစ်ကိုင်းတိုင်း ကလေးထောင်သို့ ပို့ဆောင်ချုပ်နှောင် ထားခြင်းခံခဲ့ရသည်။

UNA အဖွဲ့ဝင် ပုဂွိုလ်မှာ အနာဂါတ်ပြည်ထောင်စု နိုင်ငံတော်ဖွဲ့စည်းပုံစာတမ်း အသိမ်းလွန်သွားရာ ဂျွန်လ ၁၁ ရက်နေ့ကျမှ ပြန်လည်တွေ့ရှိခဲ့သည်ဟု ဆိုပါသည်။

၂၀၀၅ ဖေဖော်ဝါရီလက အဖမ်းခံရသော သျှမ်းခေါင်းဆောင် ၉ ဦးမှာ-
- ဗိုလ်ချုပ်ဆေထဲန် ထောင်ဒဏ် ၁၀၆ နှစ် ခထောင် (အပစ်ရပ် သျှမ်းပြည်မြောက်ပိုင်း SSA ဥက္ကဋ္ဌ)
- ခွန်ထွန်းဦး ထောင်ဒဏ် ၉၃နှစ် ပူတာအိုထောင် (၁၉၉၀ ရွေးကောက်ပွဲ၌ သျှမ်းပြည်အတွင်း ပထမ၊ တနိုင်ငံလုံး၌ ဒုတိယမဲအများဆုံး အနိုင်ရပါတီ SLND ဥက္ကဋ္ဌ)
- စိုင်းညွန့်လွင် ထောင်ဒဏ် ၈၅နှစ် ကလေးထောင် (SLND အတွင်းရေးမှုး)
- စိုင်းလှအောင် ထောင်ဒဏ် ၇၉နှစ် ကျောက်ဖြူထောင် (SLND ဗဟိုအလုပ်အမှုဆောင်)
- ဆရာသင်္ချာမြင့်သန်း ထောင်ဒဏ် ၇၉နှစ် သံတွဲထောင် (မျိုးဆက်သစ်သျှမ်းပြည်ခေါင်းဆောင်(၂၀၀၆ မေလက ထောင်အတွင်းကွယ်လွန်))
- ဦးထွန်းညို ထောင်ဒဏ် ၇၉နှစ် ဘူးသီးတောင်ထောင်
- ဦးညီညီမိုး ထောင်ဒဏ် ၇၉ နှစ် ပခုက္ကူထောင်
- စိုင်းမျိုးဝင်းထွန်း ထောင်ဒဏ် ၇၉နှစ် မြင်းခြံထောင်
- စ၀်သာဦး ထောင်ဒဏ် ၁၂နှစ် (ပြန်လွတ်မြောက်ပြီး)
UNA စည်းလုံးညီညွတ်သောတိုင်းရင်းသားမဟာမိတ်အဖွဲ့ကို ၁၉၉၀ ရွေးကောက်ပွဲ အနိုင်ရတိုင်းရင်းသားခေါင်းဆောင်များ စုစည်းပူးပေါင်း၍ ၂၀၀၂ ဂျူလိုင်လ ၃၁ရက်တွင် စတင်ဖွဲ့စည်းခဲ့သည်။အနာဂတ်ပြည်ထောင်စုမြန်မာနိုင်ငံတော်ဖွဲ့စည်းပုံစာတမ်းတွင် “စစ်အာဏာရှင် အစိုးရအုပ်စိုးနေသမျှကာလပတ်လုံး နအဖတို့နေ့စဉ်နေ့တိုင်း အော်ဟစ်နေသော ခေတ်မီ၍ဖွံ့ဖြိုးတိုးတက်သော နိုင်ငံ ဖြစ်ဖို့လမ်းမရှိ” ဟု... အလေးအထားဖော်ပြထားသည်။
၁၉၆၁ ဂျွန်လ သျှမ်းပြည်မြို့တော် တောင်ကြီး၌ တိုင်းရင်းသားခေါင်းဆောင်များက ပြည်နယ်ပေါင်းစုံ ညီလာခံကြီးခေါ်ယူကျင်းပပြီး ၁၉၄၇ အခြေခံဥပဒေကို မျှတတန်းတူ လွတ်လပ်သောပြည်ထောင်စု စစ်စစ်အဖြစ်ပြင်ဆင်ဖြည့်စွက်ရန် တောင်းဆိုထားသော ဖက်ဒရယ်သျှမ်းမှုပါ-
- ဖက်ဒရယ်ပြည်ထောင်စုတွင် တိုင်းရင်းသားများပြည်နယ် နှင့် အမျိုးသားပြည်နယ်များအဖြစ် ဖွဲ့စည်းပေးရေး
- အထက်နှင့် အောက်တရားစီရင်ရေးလွတ်တော်ကို တန်းတူညီမျှသော အာဏာပေးရေး
- အထက်လွတ်တော်တွင် ပြည်နယ်ကိုယ်စားလှယ် သာတူညီမျှထားရှိရေး
- ဖက်ဒရယ်ပြည်ထောင်စုအဖွဲ့ဝင် ပြည်နယ်များတွင်သီးသန့်ဥပဒေပြုအာဏာနှင့် ကိုယ်ပိုင်သီးသန့်တရားစီရင်ခွင့်အာဏာ ဖန်တီးပေးရေး
စသည့် အချက်အလက်များပေါ် အခြေခံ၍ အဝေးရောက်ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရက ဖက်ဒရယ်ဖွဲ့စည်းပုံ မှုကြမ်းတစ်စောင်ရေးဆွဲပြီး ပြည်ထောင်စုမြန်မာနိုင်ငံ အမျိုးသားကောင်စီသို့ ၁၉၉၆ မတ်လက တင်ပြခဲ့ဖူးသည်။ ထိုအချိန်ကတည်းက အတိုက်အခံအဖွဲ့စည်းများက ဖက်ဒရယ်ပြည်ထောင်စုအခြေခံ ဥပဒေမှုကြမ်းရေးဆွဲနှင့်ပြီးဖြစ်သည်။